مشكور عبادي على الكاست , والبطل همام على الانترو الجديد , (افتقدنا ابو عبير في الكاست)

بالنسبه لمباراه برشلونا و انتر , انا اختلف معك عبدالله
صحيح ان برشلونا يعتبر حاليا اقوى فريق في اوروبا , لكن لاتنسى ان الفريق الاخر “على كلامهم” يعتبر البطل الايطالي 4 مرات متتاليه ومحطم الارقام القياسيه
اوكي , انا ممكن اتفهم خطه 8 – 2 من خيتافي او بولونيا او غيره من الانديه اللي تمني النفس بنقطه واحده او هزيمه خفيفه , لكن تجي من البطل وطوال ال 90 دقيقه؟!

ماادري الصراحه , وين راحت هيبه الفريق؟ وهذي والمباره على ملعب الفريق وبين جمهوره؟! وفي دوري المجموعات ؟!
المباراه هذي بينت ان مورينهو جبان.

بالنسبه لمباراه ميلان , كنت اتمنى الصراحه هزيمته لسبب وحيد وهو ان الفوز بينسي الاداره المشاكل بالفريق , وفعلا هذا اللي صار
جالياني بعد الفوز على مارسيليا , صرح وقال لازم نذيع نشيد الابطال في مباريات الفريق المحليه , التصريح هذا من اسوء التصاريح اللي ممكن الواحد في حياته.
عموما , على قولتهم : المويه تكذب الغطاس. المشوار طويل وبيبان كل شي.

بالنسبه لديربي مانشستر , الفريق الافضل فاز …. وال 6 دقايق اللي اضافها الحكم (في الواقع دقيقتين زياده على الوقت المضاف) اشوفها عاديه , لان في تبديل وفرحه لاعبين سيتي كانت مبالغ فيها.
وهي ذكرتني بمباراه بين ميلان وكييفو على مااعتقد موسم 2004 , الحكم اضاف اكثر من دقيقه على الوقت المضاف اصلا (كان حارس كييفو كل شوي طايح في الارض مصاب) ولما ميلان جاب التعادل قامت الدنيا والى الان فيه ناس تتكلم عنها.

في النهايه , مثل ماتفضلت عبدالله وذكرت في الكاست , ان القانون معطي الحكم سلطه تقديره , والحكم هنا مارس حق من حقوقه.

مشكور عبادي مره ثانيه …. بأنتظاركم في الكاست القادم.

0  0