Gaming FTW 59
تقديم: يوسف النفجان | حازم الحربي | همام الزهراني | خالد السديري
في حلقة فريدة اجتمع 4 من أعضاء الموقع وجها لوجه على أرض الواقع للحديث عن آخر الأخبار القادمة من معرض Gamescom منها: الإعلان الرسمي عن Resistance 3 و Ratchet & Clank: One 4 All، Virtua Tennis 4 و Mass Effect 2 للبلاي ستيشن 3. كما نتحدث عن مشاهد اللعب الجديدة لكل من Deus Ex، The Witcher 2 و طور اللعب المتعدد من Killzone 3 فيما يعطي خالد وحازم انطباعاتهم الأولية عن لعبة Lara Croft الجديدة. أما فوازير فري توك ويكلي الرمضانية فتنطلق في هذه الحلقة للسنة الثانية على التوالي في حلة جديدة وجوائز أكبر!
التعليقات
ما هو "فري توك ويكلي"؟
FTWeekly هو موقع ناطق باللغة العربية يقدم نقاشات صوتية (بودكاست) متجددة في عدة مجالات مختلفة أسبوعيا، و ذلك في صيغة ملفات صوتية بالإمكان الاشتراك فيها أو تحميلها أو الاستماع المباشر لها من الموقع نفسه. المزيد...
August 20, 2010
مشكوررين على الحلقه وجااري الاستماع :)
انا ابي اسئل سؤالين ,
1) الحين موعد الحلقه يوم الجمعه بس في رمضان ولا طوال الوقت .
2) وش افضل (zelda twilight princess) او (Zelda: The Wind Waker)
يوسف النفجان رد:
August 20th, 2010 في 8:45 pm
1) موعدها الخميس إن شاء الله لكن هذي تأخرت عدة ساعات ونزلت فجر الجمعة بسبب المشاكل التقنية اللي ذكرناها في البداية. :)
2) يعتمد على مين تسأل. بالنسبة لي ويند ويكر (مع أنها أجمل كمظهر ومميزة كعالم) لكنها أقل مستوى من توايلايت برنسس لأسباب كثيرة، أهمها أن في آخر 4-5 ساعات من اللعبة واضح أنها محشوة بإضافات مملة لتطويل مدة اللعب فيها بسبب تعجيل صدور اللعبة وعدم اكتمال تطويرها.. لكن ما أنصحك تفوتها أبداً.
August 20, 2010
حلقه من اولها حماسيه وجاااري الاستماع …
يعطيكم العافيه شباب ع الجمعه الحلوه وعساكم ع القوه …
August 20, 2010
يعطيكم ربي العافيهـ
وجمعه حلوه
August 20, 2010
حلقة في الوقت المناسب
اليوم راجع للسعودية وحاستمع للحلقة في وقت الانتظار بالمطار
ورمضان كريم
August 21, 2010
حازم أنتظر إنطباعك في Uncharted 2 والله يعينك على Demon Soul’s
حازم الحربي رد:
August 25th, 2010 في 12:39 am
بديت قاو٣ .. وناوي على أنتشارتد ٢ بعدها مباشرة ;)
August 21, 2010
واجب علي أحييكم على البودكاست المميز عن أي بودكاست آخر.
لسبب واحد,طريقة معاملتكم (حواراتكم) للمستمع طريقة معاملة هاردكور جيمر لهاردكور آخر مش تبسيط كالشيء علشان يفهمه أي واحد.
تشكرون صراحة ;)
حازم الحربي رد:
August 25th, 2010 في 12:40 am
العفو .. حنا نحاول نرضي الكل بطرحنا .. ونتمنى إننا نصيب الهدف بدون إفراط أو تفريط ;)
August 21, 2010
مشكوور اخوي يوسف على الرد ,
و حازم بغيت انبهك ان Demon Soul’s راح يوقفون الاونلان عنها في 2011 شهر مارس لنسخه الامريكيه عشان كذا اذا بغيت تلعبها حاول تلعبها قبل ما يقفلونه لانه نص الحماس في الاونلاين . وبكل صراحه من افضل الالعاب الي لعبتها في حياتي .
حازم الحربي رد:
August 25th, 2010 في 12:41 am
يبيله والله :]
August 22, 2010
السلام عليكم
يعطيكم العافية شباب فري توك ويكلي ماقصرتوا والله :)
بس حبيت أسأل إيش إسم برنامج التو دو اللي ذكرتوه في بداية الحلقة ؟ وشكرا :)
يوسف النفجان رد:
August 22nd, 2010 في 5:24 am
ذكرنا برنامجين هم 2Do و Epic Win
August 22, 2010
والله سؤال المسابق مهو غريب علي قد سمعته قريب مادري في قيمزكوم لا لا طيب اعطونى هنت
August 22, 2010
اول مرة ادري ان عندكم فوازير يالله يمكن اربح اخيرا؟!
اجمل شيء هو جمعتكم مع بعض وجة لوجة ..
اقول لحازم الحق العب ديمون سول قبل ليقفلون الرسيفر لاني سمعة انة بيتقفل.
حازم الحربي رد:
August 25th, 2010 في 12:42 am
ناوي أبداها في نوفمبر إن شاء الله.
August 22, 2010
يعطيكم العافية شباب،،
FIFA: فريق التطوير ما خلى شيء .. أكل PES أكل هالجيل!
بس اتمنى من كل قلبي إنهم ما يغرقون بالواقعية للحد اللي يفقدك متعة اللعب زي ماكان بأجزاء التسعينات و أول الألفين!
لكنهم حتى الآن على الطريق الصحيح و كل سنة يبهروننا اكثر عن السنة اللي قبلها!
PES: راحت عليهم هالجيل.. اشوف يشتغلون للجيل الجاي اصرف لنا و اصرف لهم :P
H.W.A.X 2 : بعد تجربة الديمو حتى.. H.W.A.X 1.5 كثيرة عليها.. H.W.A.X 1.01 و تخب عليها@@
ما تغير شيء إطلاقاً .. نفس الجزء الأول بس اللهم صرت تقدر تعبي الطيارة كيروسين!
+ أضافوا خاصية الإقلاع و الهبوط و ليتهم ما اضافوها!
تخيلوا حتى كفرات الطيارة و كفرات السيارة اللي تجر الطيارة قبل الإقلاع ما تتحرك!! <– PS1
رغم اني كنت معجب بالجزء الأول و تحمست لهذا لحظة الإعلان عنه .. لكن الديمو يصرخ "صلل" :P
Killzone 2: باختصار .. اشوف انها اوفرريتد و بقوووووة!
صحيح ان الجرافيكس فيها يبكي .. لكن الباقي مرة مشي حالك "بالنسبة لي"
خصوصاً الكامبين أو طور القصة .. مافيه أي شيء مثير إطلاقاً!
كله هجوم و غزو و مواجهات مباشرة.. و إن خربت مرة تهاجم دبابات العدو بالـ RPG!
يعني Regular اف بي اس بقووووة.. ماراح تشوف فيها التنوع المذهل بالمهمات
مثل MW 1,2 .. حتى السنايبر ماراح تشوفه إلا بآخر مرحلتين أو ثلاث!
Uncharted 1 and 2: حازم انصحك تلعبها مباشرة ..
لأني انا مثلك للحين مأجل GOW 3 لأني تشبعت مرة من جيم بلاي الكلوكشن
لكن انتشارتد ون و تو لعبتهم وراء بعض و ما حسيت بأي تشبع
لأنهم قصيرين أصلاً + فيه اختلاف نسبي بين الأول و الثاني ..
فـ العبهم على التوالي على مسؤوليتي.
حازم الحربي رد:
August 25th, 2010 في 12:44 am
لول نزلت الديمو .. من جد طبطب وليس يطلع كويس.
أنت حسيت بأبقريد، أنا لسبب ما حسيت بداونقريد!! صلل
حتى إني شكيت إنها من نفس الفريق حق الجزء الأول. بس يوم شيكت طلعت من يوبي سوفت رومانيا، اللي قدم لنا هوكس ١. :/
حازم الحربي رد:
August 25th, 2010 في 12:47 am
وبخصوص كيلزون ٢ .. ما أخفيك إني متخوف من مستوى القيمبلاي. بس يقولك التجربة خير برهان. مزيدا من الانطباعات عقب ما أنهيها بإذن الله.
أما أنتشارتد ٢ فتوو ليت للأسف. بديت قاو٣ وماشي فيها ٥ ساعات للحين. بأحاول أخلصها قبل نهاية هالأسبوع إن شاء الله.
August 22, 2010
العب انشارتد 2 وشوف التطور اللي حصل :)
المسابقة صعبه شكلي حالعب على جائزة الترضية هههههههه
August 22, 2010
هل من الممكن في الحلقات القادمة تعطوا هينت صغير
مثلا انها لعبة شوتر او انها حصرية على جهاز معين
حازم الحربي رد:
August 25th, 2010 في 12:47 am
اقتراح وجيه، بنحاول ننفذه لو استلزم الأمر. أما لو كانت مرة واضحة فما يحتاج :P
August 22, 2010
الله يعطيكم العافييه حلقه رائعه
واتوقع الجواب
لعبه Killzone
واتمنى الحلقه الجايه يكون المقطع منفصل عن الحلقه عشان نجلس نعيده اكثر من مرررره
August 23, 2010
ماقصرتوا
عندي كم سؤال مالهم دخل بالحلقة واتمنى تفيدوني فيها .. :
بالنسبة لـ نامكو بانداي .. هل اندماج الشركتين محصور لليابان فقط ؟ لان فيه العاب زي سبلتر هاوس و انسليفد الناشر هو ” نامكو ” .. فـ بغيت توضيح لأندماج الشركتين ..
بالنسبة للأيبود تتش انا ناوي عليه ان شاء الله بس عندي مشكله مع الحجم .. هل تشوفون 8 قيقا كافيه لواحد متحمس لـ العاب الـايبود وبعض البرامج واكيد كم مقطع صوتي وغيرها .. ؟ وكم متوسط احجام الالعاب غالبا ؟
همام الزهراني رد:
August 23rd, 2010 في 5:34 am
اندماج نامكو و بانداي بالتأكيد غير محصور في اليابان. ما في سبب معين لظهور شعار نامكو فقط في بعض الألعاب و لكن قد يعود لأسباب تسويقية ما نعرفها.
8 جيجا بايت للآيبود تتش ما راح تكفيك من وجهة نظري، خذ 16 جيجابايت من مبدأ لا إفراط ولا تفريط. الألعاب من من 10 ل 50 ميجابايت لكن أحيانا تلقى أحجام كبيرة توصل ل300 ميجابايت.
August 23, 2010
من افضل الحلقات صراحة .. ولو اني تمنيت لو كانت مصورة بالفيديو بمناسبة انكم اجتمعتم كلكم :) ..
August 23, 2010
حسافه لو انكم مسوين تجمع بالرياض للمستمعين بكوفي شوب ولا شي .. ودنا نشوفكم ونسولف معكم : )
حلقه كالعاده ممتازه مشكورين ..
حازم الحربي رد:
August 25th, 2010 في 12:52 am
والله أساسا المسألة جت عفوية، وأنا ما دريت غير قبل جية الشباب بيوم. ووقتها على طول هاتفت يوسف واقترحت جمعة مع المستمعين وتحمس للفكرة بس ظروف الوقت في رمضان ما سمحت لنا حنا أيضا غير إننا نطلع لسويعات قليلة.
إن شاء الله المرة القادمة بنحاول ننسق لجمعة لطيفة معاكم ;)
August 23, 2010
شكرا همام .. انا كان ودي مره بالـ 16 قيقا لانه مناسب جدا لي .. بس للأسف انقطع من السوق .. والـ32 زائد عن حاجتي جدا .. بما ان احجام الالعاب بالكثير يوصل لـ 300 .. اعتقد ان الـ8 قيقا بيكون كافي لي خاصة اني شاري الايبود عشان الالعاب فقط !
همام الزهراني رد:
August 23rd, 2010 في 8:39 am
آها طيب ممتاز إذا علشان الألعاب فقط فأتوقع فعلا يناسبك. في كل الأحوال اذا احتجت مساحة إضافية امسح الألعاب الي خلصتها أو مالك نية ترجع تلعبها بعد كدة إنت في السليم :)
August 23, 2010
السلام عليكم شباب .
شباب عندي سؤالين << ادري كل شوي اسئل .
1) هل يمداني اشغل لعبه اوربيه على جهاز wii امريكي .
2) هل (Metroid: Other M ) متصله مع قصة سلسلة (Metroid Prime ) ولا يمداني العب (Metroid: Other M ) ثم ارجع لـ (Metroid Prime ) .
اتمنى اني ماكثرت الاسئله :)
يوسف النفجان رد:
August 23rd, 2010 في 4:23 pm
وعليكم السلام
1) تحتاج تسوي تهكير بخطوات طويلة شوي وتركيب برامج homebrew، لكن تقدر.
2) قصة ثلاثية برايم تعتبر فرعية وأحداثها تحصل في الفترة الزمنية بين ميترويد الأولى (على الNES) والثانية (على الجيمبوي). قصة ثلاثية برايم ما يبدو لها تأثير مباشر على Other M.
تقدر تشوف فيديو رسمي يشرح قصة السلسلة بشكل مبسط (وما يجيب طاري برايم) هنا:
http://www.viddler.com/explore/Joystiq/videos/4200/0.597
FAROOS رد:
August 23rd, 2010 في 11:07 pm
اخوي انا اقصد بالسؤال الاول . لو عندي لعبه وي اوربيه اصليه هل يمداني اشغلها على جهازي امريكي اصلي .
August 24, 2010
اتمنى تكلمون شركة الالكترونيات الحديثة تعطيكم اكثر من بطاقة بحيث يكون هناك 3 فائزين كل حلقة بدل واحد ..وشكراً.
August 24, 2010
انا مع قطر في رأيه بخصوص سلسلة Total War واقدر افهم قصده ميه بالميه لما يقول يبي شيء في الماضي\الحاظر\المستقبل القريب لول, يعني الواحد وده يلعب بشيء “ممكن يصير” ان صح التعبير, في النهايه سيميلوشن هو تمثيل لشيء ممكن يصير, فأفضل يكون واقعي.
عموما, انا طايح في Civ Rev على ال360 هاليومين، اليمه جدا، اذا مالعبتها قطر فأوصيك فيها.
حسن راجح رد:
August 24th, 2010 في 7:52 am
هل الاون لاين فيها ما زال نشيط ؟
عبدالله التمامي رد:
August 24th, 2010 في 8:22 pm
لا ابدا. مافيه احد. لكن انا العبها مع الكمبيوتر. ممتعه جدا وواقعيه.
اذا عندك اللعبه وودك نلعب ماعندي مانع.
August 24, 2010
حلقة حلووة مررة ,,
وأتمنى منكم تعطوني وحدة من الحلقات السابقة اللي تكلمتوا فيها عن devil may cry ,,
أنا متابع لكم من العشرينات ,,