Tech FTW 15
تقديم: محمد النشار | خالد السديري |يوسف النفجان
في هذه الحلقة خالد يحصل على الآيباد ويتحدث عنه بشكل مفصل بالصوت و الصورة! نناقش كذلك المظهر الجديد لموقع يوتوب، تغيير إسم وندوز فون 7 و تهديدات القضاء الأمريكي لموقع آيزوهنت. كما نتحدث عن القضية المرفوعة من قبل هيئة الإتصالات وتقنية المعلومات السعودية على شركات الإتصالات و دعم اللغة العربية في جهاز إتش تي سي ليجند.
التعليقات
ما هو "فري توك ويكلي"؟
FTWeekly هو موقع ناطق باللغة العربية يقدم نقاشات صوتية (بودكاست) متجددة في عدة مجالات مختلفة أسبوعيا، و ذلك في صيغة ملفات صوتية بالإمكان الاشتراك فيها أو تحميلها أو الاستماع المباشر لها من الموقع نفسه. المزيد...
April 05, 2010
يعطيكم العافية شباب،
ما بعد سمعت الحلقة بس قاعد أتفرج عالهاندز أون. ميزة الديشكنري باللمس في الآيبوكس أليمة :(
يعطيك العافية خالد على فديو الهاندز أون. *رجع يكمله*
خالد السديري رد:
April 6th, 2010 في 7:23 am
الله يعافيك حازم.
الميزه موجودة من قبل في اجهزه ثانيه مثل الكندل لكن ابل دائما تخلي المزايا سلسه وجميله بشكل اكبر.
العفو.. وان شاء الله تستمتع بالحلقة.
حازم الحربي رد:
April 6th, 2010 في 10:02 pm
يس فعلا أنا شفتها في الكندل بس .. التنفيذ فرق السما عن الأرض .. كركرر
April 05, 2010
جاري الأستماع…
مراجعة الأيباد روعة توني شايفها أنا وواحد ما إقتنع بالأيباد غير رايه يقول ما توقعت متصفح الإنترنت حق الجهاز بهالروعة!!
لو كانت الميزانية تسمح كان أخذته وأنا مغمض ):
لكن قريبا إن شاء الله
خالد السديري رد:
April 6th, 2010 في 7:25 am
هلا اخوي. تسلم.
الحقيقة حاولت احصر انطباعي عن الجهاز في ربع ساعة. الحمدلله ان المراجعة البسيطة اقنعت صاحبك. ما توقعت انها تكون “مقنعة” وتوضح مزايا الجهاز بشكل جيد، لكن يبدو اني كنت غلطان.
ان شاء الله في الصيف تسمح لك الميزانية وتحصل على واحد. او مثلا تنتظر السنة الجاية للنسخة الجديدة او تنتظر الـiPhone الجديد في الصيف.
بالتوفيق.
April 05, 2010
خالد يمتلك للأسبوع الثاني عالتوالي
خالد السديري رد:
April 6th, 2010 في 7:26 am
هههههه تسلم عزام. ان شاء الله المستقبل بيكون افضل وافضل.
April 05, 2010
السلام عليكم
يعطيكم العافيه
لكن عندي سؤال لكم وبالأخص خالد السديري
انت قلت الجهاز رائع للي يحتاجه .!
سؤالي من اللي يحتاجه
لأنه انا عندي ايبود تتش هل اشتري الايباد ؟؟
والايبود تتش خاق معه لأبعد درجه
فما أدري ؟ لأنه الجهاز عاجبني لكن احس اني ماراح احتاجه ؟
طبعا رايكم مهم لأني ناوي قرييييييب اشتري
وعندي سؤال ثاني ..
متي ينزل الـ 3G لأنه اللي موجود بس WIFI
خالد السديري رد:
April 6th, 2010 في 7:32 am
وعليكم السلام. الله يعافيك اخوي فيصل.
هو الحقيقة انت الي ممكن تعترف تحتاجه او لا. اعطيك مثال، انا طالب جامعي وعندي حصص كثيرة وبعض الحصص يتخللها اربعين دقيقة راحة. الايفون (او الايبود توتش في حالتك) شاشته صغيره وما اقدر اتصفح الانترنت بالشكل الممتاز بسبب صغر حجم الشاشه. فالايباد (بما ان بطاريته تقعد حتى اكثر من 10 ساعات) يكون موجود بالشنطه لانه خفيف ونحيف جداَ.
هذي بعض الاستخدامات مثلا.. او للناس الي دائما خارج البيت وما يفضلون انهم ياخذون لاب توب (او نت بوك) ويبون شي “تفاعلي” اكثر، الخيار هو iPad بسبب تطبيقاته والتصفح الجيد.
لكن لو كانت حياتك الخارجية قليلة، وما عندك فراغ بين الحصص.. واغلب الوقت بين كومبيوتر الشغل مثلاَ الى البيت.. ما اعتقد له حاجه. فانت الي تعرف “وين” تحتاج تتصفح انترنت بشكل افضل من الايبود وما تبي تحمل لاب توب او نيت بوك.
بالنسبة للسؤال الثاني، نسخة الـ3G بتصدر نهاية هذا الشهر. الي هو شهر April.
اذا كان عندك اي سؤال ثاني اخوي فيصل لا تتردد ابداَ. شكراَ.
April 05, 2010
هل يدعم اللغة العربية تصفح وكتابة؟
واذا كان لا يدعم . هل هناك حل لهذه المشكلة
يوسف النفجان رد:
April 5th, 2010 في 9:26 pm
هلا أخوي
الجهاز يقرأ عربي بشكل كامل لكنه ما يدعم الكتابة إلى الآن. وغالبا راح ينزل تحديث يحتوي على كيبورد عربي لما ينزل الجهاز في في الدول الأوربية أو في أسواقنا.
خالد السديري رد:
April 6th, 2010 في 7:34 am
اهلين ثامر.
مثل ما وضح يوسف حالياَ ما تقدر تكتب عربي (في حل مؤقت وتكلمنا عنه في الحلقة) لكن الحل المثالي من الشركة اكيد بيجي لمن يصدر الجهاز في عدة دول اخرى. او ننتظر اذا احد بينزل الكيبورد بما ان الجهاز تم اختراقه (Jailbreak)
April 06, 2010
والله حيرتوني اسمع اليوم تيك ولا الرياضه
لاكن خبر تاجيل المقابلة خلاني اختار تيك مع حماس الipad
الله يعطيكم العافيه واصلوا صراحة الحلقات سارت تحمس مرررره
واصلوا على الاقل كل شهر او شهرين
نبغى ضيوف واستعراضات لاجهزة وكذا
والله ماشاء الله الافضل من بين 3/ بودكاستات عربية تقنية اسمعلها
خالد السديري رد:
April 6th, 2010 في 7:36 am
اهلين بلاك شادو. الله يعافيك ويسلمك.
اسمع التك وما عليك من كاست الرياضه الفاشل P;
تسلم والله وهذا من ذوقك. بإذن الله احنا ماشين على جدوله ثابته للضيوف والفقرات. الاجهزه ان شاء الله بنحاول نعمل استعراض قدر المستطاع في المستقبل.
April 06, 2010
يعطيك العافية خالد و الشباب عالتغطية الحلوة للايباد ، شكلي حانتظر موديل الـ3G بحجم 32GB لخيارات الإتصال المتعددة + GPS الي ما يدعمه موديل الواي فاي للاسف .
بالنسبة لمظهر يوتيوب الجديد فانا عاجبني اكثر خصوصاً إختيارات الـLike الي ما كان لها اي داعي سابقاً + معلومات المشاهدة + إختيار زيادة حجم النافذة (غير الفول سكرين) بس ضايقني صغر حجم نافذة معلومات المقطع و لازم تضغط على ايقونتها لبقية المعلومات .
بالنسبة لـAdd a Queue كانت موجودة اول بعلامة (+) ، إجمالاً افضل من سابقه بس سحتاج شوية لمسات و يصير عال .
ايزو هنت و قبله مينينوفا و مواقع التورنت حتلاحقهم القضايا و حتى لو تقفلوا حتنفتح مواقع غيرها فهي عجلة لا تنتهي .
خالد السديري رد:
April 6th, 2010 في 7:42 am
الله يعافيك عامر. الحمدلله انها نالت من اعجابك.
اذا فعلاَ شايفك انك بتستخدم الجهاز بشكل كبير فخيار الـ3G هو افضل خيار. مع 32 جيجا او 16 جيجا.
بدات اتعود على التصميم الجديد الحقيقة.. على فكرة زياده حجم النافذة كانت تطلع لي من اول. همم ما كنت اعرف انها كانت موجودة، اكيد السبب هو عيب في التصميم لكن الآن صارت واضحه اكثر. هذا شي يشكرون عليه.
فعلاَ مثل ما قلت.. عجله لا تنتهي.. ميني نوفا اساساَ ما اشتهر الا بعد ما قفل سوبر نوفا (لو احد يتذكره) في 2004 او 2005. فهي ولاده لول.
شكراَ على مشاركتك.
April 06, 2010
عندي تصحيح لشغله سمعتها في البودكاست
هو ان الاتصالات حاليا رافضه تشيل خدمة التجوال او تلغى المجانيه فيها
لكن اللي صاير حاليا انهم اخذو هيئة الاتصالات على قد عقولهم وقالو لهم خلاص الخدمه مو مجانيه وفعلا شالو المجانيه من الخدمه لكن العملاء مايدفعونها يقولون انها مكافئه P:
يعني انت لو تشييك على فاتورتك رح تحصل المبالغ اللي المفروض انك تدفعها وتحصل تحت انه مخصومه من حسابك تحت مسمى “مكافئه”
وفعلا اهني الذكي اللي سللك لهيئة الاتصالات بهالطريقه والحين ما لهم ممسك على شركات الاتصالات
حسين رد:
April 6th, 2010 في 8:27 pm
لا موصحيح يافيصل
كل عروض الاتصالات بالسابق لازم تنحط بالفاتورة و يخصمون لك المبلغ كمكافأة هذا نظامهم من الأصل
يعني لو تآخذ نقاط قطاف مثلاً بيحطون لك مبلغها بالفاتورة ويخصمونها لك كمكآفأة!
يعني من الاصل كل شي ينحط بالفاتورة والخصومات تنشال بقسم الخصومات بكل فاتورة.
خالد السديري رد:
April 8th, 2010 في 1:28 am
والله الحقيقة الموضوع شائك. اكيد بنشوف تطورات في الاسابيع المقبلة.
شكراَ شباب على الإضافة.
April 06, 2010
السلام عليكم :
مجهود رائع إلى الأمام على نفس الخطى والله الموفق
مع فائق الأحترام والتقدير
خالد السديري رد:
April 8th, 2010 في 1:32 am
وعليكم السلام. هلا اخوي محمد.
تسلم وهذا من ذوقك. شكراَ لدعمك ومشاركتك.
April 06, 2010
يعطيكم العافية شباب،
و ما قصرت خالد على المراجعة و الهاندز اون : )
ودي اعقب على هيئة الاتصالات و تقنية المعلومات، أو هيئة “حماية شركة الاتصالات”!!
انا اتفق مع خالد لما قال انه يعتقد ان فيها لعبة وصخة بأي طريقة كانت!
اكيد كلكم تعرفون عروض آفاق شامل اللي لها سنة و نص تقريباً
اللي دمجوا سعر اشتراك الانترنت مع رسوم الدي اس ال مع فرق ١٠ ريال بس!
الحركة هذي فيها قمة الـ منب قايل!
و للحين الشركات اللي يقدمون خدمة الانترنت يعانون منها و الاتصالات مبسوطة و آكلة سوقهم!
طبعاً الحركة اللي صارت للي ما يعرفها هي ان الاتصالات قدمت عروض لآفاق شامل
بحيث تكون تكلفة الاشتراك + اشتراك النت بـسعر مقارب للاشتراك
يعني مثلاً رسوم الـ ٤ م.ب كانت ٢٢٠ ريال أظن
و كنت تآخذ اشتراك بـ ٢٠٠ أو ٢٥٠ ريال
يعني المجموع حول ٥٠٠ ريال .. كويس؟
كانت هالتسعيرة ماشية على كل الشركات من ضمنها سعودي نت التابعة لشركة الاتصالات و الفروق بينهم من ١٠ إلى ٢٠ ريال بالكثير!
جاء عرض آفاق شامل و قال لك تآخذ الـ ٤ م.ب بـ ٢٤٠ ريال بس!!!
طبعاً شامل لاشتراك النت و رسوم الـ DSL !
طبعاً الشركات الثانية مثل جيل و صحارى و نسمة .. الخ تضرروا!
ما يقدرون يقدمون أسعار تنافس الأسعار اللي تقدمها الاتصالات السعودية!
لأنها عملياً و منطقياً خفضت برسوم الـ DSL و الاشتراك لعملائها بس و اللي يستخدمون شركات ثانية يجون لنا و إلا يشربون من ماء البحر!
طبعاً لائحة التسعيرات اللي حاطتها الاتصالات وش كانت؟
كانت تقول للـ ٤ م.ب مثلاً ان رسوم الـ DSL ٢٢٠ ريال.. ثابتة ما تغيرت
لكن احنا خفضنا بالاشتراك و صار من ٢٥٠ إلى ٢٠ ريال أو ٢٤ ريال بس :S
بطبيعة الحال الشركات الثانية ما يقدرون يخفضون هالتخفيض لأنها بتكون خسائر فادحة!
و الاتصالات أساساً ما خفضت بالشكل هذا عملياً.. لكنها سوت موازنة و خفضت من الرسوم بالنسبة لمستخدمينها و خفضت من الاشتراك و نتج السعر النهائي اللي أقل بالنصف من المنافسين بدون ما يقدرون يسوون أي حاجة!
طبعاً أذكر بوقتها رفعوا قضايا لشركة الاتصالات و صارت معركة قانونية
لكن هدأ الوضع الحين و الأسعار زي ماهي و با الطقاق يا شركات الانترنت!
اللي يخليني اتسائل حالياً
وين هيئة الاتصالات و قنوانيها حقت المنافسة الشريفة عن هالحركات من الاتصالات السعودية؟
حازم الحربي رد:
April 6th, 2010 في 10:16 pm
صدقت أخوي… والله العظيم حركة آفاق ذي من أوقح الأشياء اللي شفتها عندنا هنا في السعودية. للأسف ما عندنا قوانين Antitrust تحمي الشركات المتضررة، وإن وجدت فهي مجرد حبر على ورق.
الوضع ماساوي وسياسة الاحتكار، بمباركة هيئة الاتصالات، تبين لك مدى التخلف والرجعية اللي يعاني منها قطاع الخدمات في السعودية.
خالد السديري رد:
April 8th, 2010 في 1:36 am
الله يعافيك عبدالله.. تسلم
والله الحقيقه تحليلك سليم، وانا شاك من فترة ان في اشياء تصير من تحت الطاولة بين الشركة والهيئة. والله يعلم ايش الي قاعد يصير. حركات من جد سيئه وتقتل التنافس تماماَ.
April 07, 2010
السلام عليكم,,
الرجاء حذف الفيديو لاحتوائه على مشهد غيرلائق في الدقائق الاخيرة
tnkb4uact رد:
April 8th, 2010 في 1:05 am
و الله انصدمت عندما رايت الشخصان يقبلان بعض!!!!
نسأل الله السلامة و العافية
شكرا على التنبيه
خالد السديري رد:
April 8th, 2010 في 1:37 am
وعليكم السلام. شكراَ على تنبيهكم اخواني. بحاول احذف الجزئيه إن امكن.
April 07, 2010
يعطيكم العافية شباب على الكاست المميز .. و ما تشوف شر يا يوسف..
نشكر لك يا خالد العرض الجميل للآي باد.. واللي أرى مثل غيري إنه بيكون جهاز رائع جدا ولكن في نسخته الثانية أو الثالثة .. حالياً أعتبره eye candy أكثر من أي شيء آخر (على الرغم من المميزات الكثيرة الموجودة به)
بالنسبة لشكل موقع اليوتيوب الجديد .. استغربت كثيرا من تعليقاتكم عليه .. أنا بصراحة أعجبني كثيراً .. وكل تغييراتهم أراها منطقية .. يمكن لأني كنت كاره تصميمهم القديم والحوسة اللي كانت فيه..
آخر شي بخصوص برامج التورنت على اللينكس .. الترانزمشن سيء ولا يقارن بنسخة الماك.. فأفضل شيء برأيي إما deluge ، أو تركيب يو تورنت (نسخة الويندوز) باستخدام واين .. والحقيقة اليو تورنت يشتغل بشكل رائع جداً..
خالد السديري رد:
April 8th, 2010 في 1:43 am
الله يعافيك عبدالعزيز.
اتفق معك تماماَ. كثير يستفسرون إن كان هذا وقته لشراء iPad. في رأيي انه اذا كنت “متحمس لدرجة كبيرة وتشوف ان الايباد بيفيدك اشتريه، لكن النسخة الثانية بنشوف تحسن كبير مثل ما حصل مع iPhone الاول والـ iPhone 3G.
انا حالياَ مو متضايق الا من قسم الردود في الاسفل، احسه مخبوص ومو مرتب ابداَ. ايضاَ متضايق ان يوتوب تسوي تجارب علينا، دائما تغير ترتيب الموقع في السابق والآن تغير جذري.
ما كنت اعرف ان الترانزميشن سئ على اللينكس.. شكراَ على التنبيه. المشكلة إن في ناس ما يحبون يستخدمون واين على اجهزتهم او يشوفون انهم يقدرون يستغنون تماماَ عن برامج الويندوز. اما deluge اول مره اسمع فيه.
April 07, 2010
السلام عليكم جميعا
اولا الله يعطيكم العافية على جهودكم الجميلة
ومبروك الاي باد خالد
صراحة أدمنا البودكاست اللي تقدمونه يارب مايجي يوم وتقطعون
والأبل وبرامجه فيها تجربه عجيبة تخليك تحترمها اخراج ياخي جميل وبسيط
اي باد والاي فون حتى اي بود
ماادري ويندوز ليش مايتعلموا منهم
بالنسبة للتورنت مافيه برنامج زي u torrent لاعلى لينوكس ولاغيره
أرجع وأقول تجربتكم فريدة بدون مجاملة بودكاست مميز ونفخر بكم وبأمثالكم
من شباينا السعودي المبدع
إحترامي لكم.
خالد السديري رد:
April 8th, 2010 في 1:53 am
وعليكم السلام ورحمة الله يا هلا فيك اخوي. تسلم الله يبارك فيك ويخليك.
هذا من ذوقك والله. بإذن الله هدفنا الأول هو الاستمرارية والمحافظة على المستوى. اثنين يكملون بعضهم.
فعلاَ اتفق معك. من مزايا ابل ان عندهم فريق UI على مستوى عالي جداَ وهذا الشي شفناه من بداية الالفيه واستمر مع اجهزه الايبود والى الايفون والايباد حالياَ. يحترمون الزبون ويقدمون تصاميم راقيه فعلاَ بعكس شركات اخرى. مايكروسوفت في الفترة الاخيره تحسنت كثيراَ. الويندوز سفن تحسن عن فيستا من ناحية التصاميم ونظام الويندوز فون 7 له تصميم فريد ومختلف وجميل الحقيقة.
همم اخوي عبدالله (صاحب الرد الي فوقك تماماَ) قال ان في برنامج اسمه deluge وايضاَ تقدر تستخدم الـuTorrent ولكن باستخدام Wine.
الله يسلمك ويخليك. احنا ايضاَ نفتخر ان عندنا مستمعين فعالين وعلى وخلق مثلك ومثل بقية الشباب. شكراَ لك.
April 07, 2010
هلا شباب يعطيكم العافية
والف مبروك خالد الايباد بس عندي كم سوال
بخصوص الايباد ومشاكلة
هل فية مشكلة بالاتصال بشبكة الواي فاي
وكمان مشكلة الحرارة وانه يطفي فجأه اذا اشتغلت علية وقت طويل او تحت الشمس
بصراحة اذا اذا كانت الحرارة مشكلة كبيرة وخاصة اذا باستخدمه بالرياض
شكرا لكم مره اخري
خالد السديري رد:
April 8th, 2010 في 1:58 am
الله يعافيك اخوي محمد. تسلم وعقبالك ان شاء الله هههه.
الحقيقة قرأت ان في مشاكل بالنسبة للـWi-Fi (خصوصاَ مع وايرلس راوتر يكون Dual-Band) لكن شخصياَ ما واجعت مشاكل، ممكن لان استخدامي اساساَ للجهاز خفيف. ايضاَ الحرارة، استخدامي للجهاز داخل المنزل وتحت مكيف، ما استخدمه في الخارج، لكن بدون ادنى شك انه بيحتر تحت شمس الرياض هههه.
ابل اعلنت ان فعلاَ في مشكلة بالواي فاي واعطت كم حل وقالت انهم بيحلون المشكله.
شكراَ محمد على مشاركتك. اذا عندك اي سؤال او استفسار (او حتى اذا تبيني اخذ الجهاز في الخارج واجرب P:) آمر ولا تتردد.
April 08, 2010
بالمناسبة خالد.. فيه نقطة نسيت أعلق عليها!
و هي لما قلت أنت إن سبب أخذك لأقل فئة انه الجهاز بأول اصدار له و الجهاز مو مكتمل أو مو ناضج بالشكل الكافي!
هو أوكيه الجهاز فيه نقوصات و ما نختلف..
لكن عملياً و المتوقع إن الجهاز بيسير على خُطى الآيفون..
و الآيفون عملياً برضو اللي اشتروا الـ 2G و أنا منهم، ما وصلوا لمرحلة يقولون فيها “أوه اوكي الحين جهازنا صار قديم”
أنا صحيح توهقت يوم لعبة الـ ٢٩٩$ يوم إعلان الثري جي و توهّقت و بعت جهازي؛ لكن اللي أغراني طبعاً انه جاب لي مكسب بذاك الوقت؛ و الحين عندي 3G ..
لو جيت و نظرت لخطوات تطوير الآيفون؛ ما تحصل فيها نقلة الهاردوير اللي تقول اوووه لازم اشتري الجديد!
اللي حصل بين الأول و الثري جي ايش؟
GPS “و هو النقطة الوحيدة المغرية بالجهاز الجديد”
3G ما اشوف انها تستدعي فعلاً تغيير جهاز كامل لمجردها لا أكثر!
و طبعاً الجهاز خسر جزئية البطارية و صارت فعلاً ما تآكل عيش مع الثري جي و هذا السبب اللي خلى مستخدمين الثري جي دائماً مطفين الثري جي!!
بين الـ 3G و الـ 3Gs
لعبة حرف الـ S و خرابيط الـ Speed
جاي بيغريك بفرق ١٤ ثانية بتشغيل الجهاز و بوصلة و تصوير فيديو بكاميرة خايسة!!
يعني كل هالاختلافات و التطورات كانت مقدّمة للـ New iPhone Users ماكانت مقدمة أبداً و ماكانت مقدمة “منطقياً” للـ Current iPhone Users و تدعوهم للانتقال للجهاز الجديد!
تعال خلنا نشوف النقلات الحقيقية بالآيفون وش كانت؟
النقلة من السوفتوير الأول للثاني بحساسيّة الـ motion sensor اللي صارت كبيرة و فعّالة أكثر من السابق و الـ application store
النقلة من الثاني للثالث كانت بالأشياء اللي محتاجها الآيفون فعلاً
Push Notification + cut&paste + MMS + more languages
هذي النقلات الست اللي قسموها آبل على دفعتين هي اللي كانت فعلاً نقلت الآيفون من مستوى لمستوى و كان الآيفون محتاجها بقوة عشان يثبّت رجليه بشكل أقوى..
و النقلات هذي حصّلها كل مستخدمين الآيفون من أول جيل لجيل الـ 3Gs؛ و هذا يُحسب لآبل صراحة باستمرارها دعم العملاء القدماء!!
فلذلك الآيباد ما اعتقد إنه راح يبعد عن السياسة هذي اللي سنتها آبل بالآيفون!
الجيل الجاي منه بيكون كاميرة + سعة أكبر
و طبعاً لازم كليشات آبل و الكلام الفاضي حقهم
اسرع بـ 7.5x
و شاشة اوضح بـ 2x
و مميزات أكبر 13x
فلذلك اللي بباله الآيباد يشتري من الحين و ما يخاف
اضمن له ثلاث سنوات قدام ماراح تحس بالنقص من الأجهزة الجديدة الجاية!
طبعاً اسم الآيباد الجديد راح يكون
iPadc
:d
c من Camera
انا حالياً افكر بالـ 3G بصراحة
لدعمه للثري جي أولاً و هي مو مهمة مرة مرة
و النقطة الثانية اللي اشوفها اهم هي وجود الـ GPS بنسخة الثري جي
و فرق أقل من ٥٠٠ ريال أشوفه مقبول جداً بعد ماكنت مقتنع فيه بس ماكنت ادري إن العادي مافيه GPS!
موفق و شكراً على الهاندز أون مرة ثانية : )
April 08, 2010
السلام عليكم
بارك الله فيكم
هل الحلقة مرئية ام صوتية فقط؟
April 10, 2010
تعجـز الكلمـات عـن شكــر كل من ساهم في هذه المدونة الاكثر من رائعه صراحه ابدااااااااااع …وذوووق بالتصماميم …وفي اختيار المواضيع الى الامام …
كيف احصل على نسخه من الايباد؟
April 11, 2010
الله يجزاكم خير ..
بصراحه ما كنت اتوقع ان راح يجي منافس لـ عرب تك
وخاصة ان التقديم صوتياً ..
لكن اتمنى ان تختصرو شوي او تحددون وقت الحلقه يعني مثلاً ما يتعدى 45دقيقه ،
وجميل ان يكون التقديم بدون تكلف بس الافضل يكون فيه جديه شوي ;) ..
^
^
أتمنى تتقبلونها بصدر رحب .. وشكراً
April 13, 2010
عندي سؤال عن الايباد ..
في الفيديو تكلمت عن الاي بووكز للايباد
اعتقد امازون وفت برنامج للكندل للايباد هل جربت البرنامج على الايباد ؟
وما الافضل ؟