Tech FTW 07
تقديم: خالد السديري | عبدالله التمامي | محمد النشار
نتحدث في هذه الحلقة عن مؤتمر شركة ابل الأخير وكشفها عن الجهاز الجديد iPad بالاضافة الى آخر واهم الاخبار التقنية في العالم والعالم العربي مثل النسخة الأخيرة من المتصفح Chrome وكذلك تحذير الحكومة الألمانية من استخدام انترنت اكسبلورر ومشاكل جووجل والحكومة الصينيه بالاضافه الى تبني جووجل لنظام عنونة المناطق الجديد في السعودية وكذلك النطاقات العربية الجديده
- الأخبار – 2:27
- مؤتمر ابل – 46:00
- فريبي الاسبوع – 1:29:29
- ضيفونا على تويتر
- خالد: http://www.twitter.com/Khalid
- محمد: http://www.twitter.com/LogicalThoughts
- عبدالله: http://www.twitter.com/Abdul_T
Digg
Stumble
ما هو "فري توك ويكلي"؟
FTW هو موقع ناطق باللغة العربية يقدم نقاشات صوتية متجددة في عدة مجالات مختلفة أسبوعيا، و ذلك في صيغة ملفات صوتية (MP3) أو بالاستماع المباشر في الموقع نفسه. المزيد...
February 01, 2010
حلقة موقفة شباب..
بعض الناس يجسّد “الانتقاد لأجل الانتقاد” بشكل غريب!
بالنسبة لي؟
همممم.. أول مرة أعجب بجهاز من آبل من أول مرة!
حتى الآيفون أول ما أطلق و طارت الناس معه؛ ماعجبني إطلاقاً بأول إطلاق له و مع ذلك اشتريته :p
الآيباد؟
حقيقة جاء على ما توقعت تماماً .. و خالف توقعي بالسعر و جاء أقل مما توقعت!
الجهاز يغني بنسبة كبيرة عن الـ netbook خصوصاً اللي يبغاه للتصفح
و زي ماقال الأخ محمد سالفة أن يكون الـ OS العادي على تابلت فكرة ماهي عملية إطلاقاً!
و عجبني صراحة استخدام ابل للـ iPhone OS .. رغم اني كنت اتمنى Mac OSX custom edition
يعني مثلاً يعطيك الإعدادات نفس طريقة الماك .. و الديسك توب و الآيكونز نفس الآيفون
و الأبلكيشن الآيفون اوكيه.. بس اتمنى يكون يآخذ خيارات اوسع!
تمنيت فيه USB و browser للأقراص ع الجهاز سواء internal or external!
تمنيت الجهاز يكون شكله الأساسي بالعرض مو بالطول زي ماطلع عشان يكون اقرب من النت بوك!!
امممم.. لما تقارنه بالآيفون؟
اتوقع الجهاز بيحصل على دعم رائع للسنوات القادمة!
الآيفون الحين شفناه على ٣ أجيال .. كل المواصفات الجديدة اللي جت بالأجيال الجديدة دعمت الجيل الأول!
عدا الأشياء المتربطة بالهاردوير 3G, GPS
بينما الباقي ما اشوف فيه أي مبرر لاسبتدال الآيفون الأول بأي نسخة من الآيفونات اللي ظهرت 3G,3Gs!
كلها إضافات مب بذيك القوة اللي تقول واااو ببدّل الجهاز
خصوصاً أن الـ OS كان ينزل بشكل مستمر للإصدارات القديمة من الآيفون!
لدرجة إنه يخليك ما تفرق بين الآيفون الجديد و القديم إلى حد بعيد جداً
خصوصاً و خصوصاً إن شكل الجهاز ما تغيّر .. بس اللهم حصل على تعديلات بسيطة جداً!
لذا لو سار الـ iPad على نهج الآيفون أنا راضي تماماً و راح استخدمه ٤ سنوات بالراحة دون ما أشعر انه صار جهاز قديم!
و بالنسبة للـ OS تبع الجهاز.. اتوقع و الله اعلم انه بيحصل على تحديث بمايو أو ينويو مع إطلاق الآيفون الجديد “المتوقع”
و راح يحصل على نفس سوفتوير الآيفون “ربما OS 4.0″ بتكون فيه الملتي تاسك و الدعم الكامل لبقية اللغات اللي ما انذكرت
بس يمكن آبل ما تبغى تحرق الـ iPhone OS 4.0 بشكل مبكر و دون ظهور للآيفون
فأجلوه لمؤتمر الآيفون و يكونون ضربوا عصفورين بحجر (iPad, iPhone update)
فعلاً فعلاً أول مرة أعجب بجهاز جديد لآبل من أول ظهور له ..
[رد]
February 01, 2010
هلا اخوي عبدالله.. الحمدلله ان الحلقة عجبتك.
اتفق معك بشكل كبير في الكلام الي قلته. هو طبعاَ في ناس يشوفون انه ما يغني عن النت بوك لان استخدام الانترنت بالنسبه لهم مختلف وما يكفيهم شي بسيط مثل الآي باد.
لكن بالنهايه مقارنته بالنت بوك غير منطقيه تماما لان النت بوك عباره عن لاب توب بس رخيص وصغير. خطأ مقارنته بالآي باد لان الاخير اصلا يشغل نظام انحط على جوال!!
لكن ستيف جوبز قصده في المؤتمر انه يقدم متصفح انترنت كامل امتع من البقيه “بسبب شاشه اللمس” لكن ما توفق مع الفلاش.. الي ما اعتقد ابدا بنشوفه في الجهاز.
لك نيه تاخذ الجهاز عبدالله؟ اذا بتاخذه.. اي نسخه تاخذ؟
شكراَ لتفاعلك.
[رد]
February 01, 2010
هلا خالد ..
النية أكيد موجودة و بقوة و احتمال يكون اول جهاز من آبل آخذه مع الـ lunch منذ مدة طويلة!
خصوصاً إذا صار يكتب عربي بالفترة القريبة هذي .. فالجهاز رسمياً معي إن شاء الله
و احتمال آخذ نسخة الواي فاي ٣٢ قيق
الـ ١٦ قيق عندي الآيفون الحين.. ممتلئ بشكل كبير و كثير من الأشياء مقدر استغني عنها
خصوصاً الصور آخذه مساحات كبيرة. و اكيد بحتاج مساحة اكبر بالآيباد
مقارنتي للجهاز مع النت بوك .. مو من ناحية المواصفات!
لكن ابيك تفكر فيها بمنطقيّة شوي…
صحيح النت بوك فيه نظام تشغيل كامل و كيبورد و و و و
لكن هل الجهاز فعلياً يعتبر جهاز تقدر تقوم عليه بكافة اعمالك؟
اجهزة النت بوك غالباً تسجل آداء سيء و بطيء .. و هو فعلياً مو مطلوب منه يقوم بالمهام هذي
هو جهاز انترنت .. للتصفح و الأشياء البسيطة و بالنقطة هذي اقارنه بالآيباد بالراحة و الآيباد عنده مميزات أكبر
بس النت بوك يتميّز انه فيه كيبورد!
لكن لما تحمل النت بوك انه فعلياً نظام تشغيل متكامل و عبارة عن لابتوب صغير .. فأنت تحمله مالا يطيق أصلاً و تعطيه فوق حجمه!
بالنسبة لي بديت افكر فعلياً بالاستغناء عن الـ MacBook Pro تبعي و اشتري لي iMac مع الآيباد
لاسيما إني قليل اساساً انقل لابتوبي و كل حاجتي بالجهاز للتصفح و الأشياء البسيطة لما اكون خارج المنزل!
بالنسبة لي اشوف آبل ضربت سوقين بوقت واحد e-books reader و الـ netbooks
لكن يحتاج وقت اطول زي ماقال محمد عشان يآخذ قوته و يثبت مكانه بالسوق لأنه حاجة جديدة!
النقطة الأخيرة اللي نسيت اعلق عليها البارح
هي نقطة الألمنيوم .. اظن عبدالله قال إنه بيسير على نفس نهج الآيفون المنيوم ثم اسود و ابيض و كذا!
بالنسبة لي ما اتوقع كذا.. آبل مؤخراً بادية تطعّم الألمنيوم الخفيف المطفي بكل أجهزتها
Mac Pro – iMac – Mac Mini – MacBook Pro – MacBook Air – iPods و الآيباد مؤخراً
و لو تلاحظ كلها بدت تآخذ الشكل المقوّس إن صح التعبير.. (اسمك شوي بالوسط و ناعم بالأطراف)
لذا أنا أخالفكم الرأي هنا و أقول إن الـ iPhone 4G راح يكون ألمنيوم بنفس فكرة الآيباد من الخلف
شكراً لك خالد،
[رد]
February 01, 2010
هو فعلاَ النت بوك بالنهاية اغلب الناس تحمله فوق طاقته.. والميزه الي فيه هي كيبورد كامل + ان بعض الناس تفضل OS كامل. تشغل نفس البرامج الي تستخدمها في الاب توب العادي او الديسك توب
32GB خيار جيد اذا الايفون ممتلي. انا عكسك مو ممتلي ابدا. عندي 0 صور لوول.
هو فعلاَ الجيل الرابع من الايفون اعتقد بيكون شكله قريب من iPad
[رد]
February 02, 2010
حلقة راااااااااااااااااااااااااااااااااااائعة إلى الأمااااااااااااام
[رد]
February 07, 2010
يعطيكم العافية شباب..
قاعد اسمع الحلقة. بالمناسبة ترى فيه طريقة متبعة لمعرفة موقع المنزل من بعض المطاعم الكبيرة عندنا في السعودية. دومينوز مثلا يعرفون موقعك لما تعطيهم رقم عداد الموية، أيضا KFC يعرفون الموقع بالتلفون على ماسمعت. بس شي جميل إننا نحصل بديل موحد بدعم من قوقل ومفتوح للجميع. :]
وعلى فكرة ترى خاصية نتايج المباريات تضبط معي دائما. أعتقد المشكلة معكم إنكم ما دخلتوا google.com.sa
جربوها وشوفوا. ;)
[رد]
February 08, 2010
جابر، حازم
شكراَ ما تقصرون
حازم.. ما كنت ادري على عداد المويه لول.. اما المطاعم هو يعرفون انت من اي منطقه بشكل عام من رقم تلفونك (العليا لها ارقام .. الخ) لكن موقعك بالتحديد يعرفونه؟ عموما زي ما قلت.. لول خلاص ما نبي الطرق العقيمه هذي.. احنا في القرن الـ21
ما نفع معي حتى من جووجل السعودية. كتبت مثلا “نادي الهلال” وماشفت شي غير.. ممكن سكرين شوت؟
[رد]
February 08, 2010
أوكيه إذا اعتقد قوقل يتعرفون على الـIP حقك وبناء عليه يعطونك النتائج ذات العلاقة. جربت كلمات عامة زي “الشباب” و “الوحدة” وبرضو أعلى شي يطلع لي هو بيانات هالخدمة. لول عارفين إنه ربعنا لو كتبوا الشباب فهم يقصدون النادي صلل
سكرينكابس لعيونك:
الشباب: http://i45.tinypic.com/zy81nq.jpg
الوحدة: http://i46.tinypic.com/m75mif.jpg
الاتحاد: http://i48.tinypic.com/33ju5oz.jpg
الهلال السعودي: http://i49.tinypic.com/eraniw.jpg
[رد]
February 08, 2010
اها اجل كذا الدعوه لول… والله ممتاز
شكراَ على الصور… والله شغل جميل من جووجل
[رد]