نقطة بيدرو
شف المسافات الخضراء اللي بالصورة اللي انت حطيت
كلها متساوية إلا منطقة التسلل!
عموماً انا مو مشلكتي من اللقطة هذي
على الأقل انتم ماعجرتوا ولا مرور الكرام للجدل اللي صاير فيها
ناهيك عن تغاضي الحكم بالكلاسيكو و حركات ابراهيموفتش بمباراة فياريال وبلنتي اكزافي باسبانيول

نقطة كريستيانو
انسكر خشمه؟
يما لاعبين بلعوا السنتهم ولا انطرد الطرف الثاني ولاطرد
المسألة هل هي مقصودة وإلا لا؟

الحكم اعطى ادفانج ثم كرت احمر مباشرة؟
لو تلاحظ وجه اللاعب كان بالمكان الطبيعي ليد رونالدو
ولاعب طوله ١٨٥ يلحقه لاعب طوله ١٧١ سم وش ترجي غير الوجه؟
بينما ميسي العكس يده هي اللي ارتفعت ليد اللاعب
انا هنا ما اطالب بطرد ميسي،، لكن اقول طرد رونالدو غير مستحق!
ناهية عن انه بنفس المباراة لاعب ضرب راموس ولاحياة لمن تنادي!

نفس الحكم بمباراة فالنسيا و اشبيلية الأخيرة في مشهد قداه مباشرة الحارس ضرب المهاجم ولاسوى شي ابداً
يعني لو طرد الحارس ممكن نمشيها ونقول الحكم شديد ودقيق!!

عموماً شاكر لك اهتمامك وردك واسأل الله لكم التوفيق اينما كنتم :)

يعني أنت مش راضي عن أننا ما تكلمنا عن أن هدف بيدرو كان تسلل؟ حاليا في حرب إعلامية بين الصحف المدريدية والكتلونية بخصوص الهدف هذا وبخصوص أن في مؤامرة جات من ورا صداقة لابورتا مع رئيس الاتحاد الأسباني. عموما أنا ما قريت عن هذي الحرب إلا بعد تسجيل الحلقة مباشرة. عموما هو خطأ تحكيمي، مثل بلنتي إبراهيموفتش اللي ما انحسب خلال المباراة وما تكلمت عنه الماركا وآس. وحتى الصحف الكتلونية اتهمت المدريدية بالتلاعب بزوايا الصور وحطت صورة كان يبدو فيها بيدرو مش متسلل (تلقاها هنا).

الصور اللي فيها عنف من ميسي وفالديز نشرتها الصحف المدريدية لمقارنتها بطرد رونالدو، لكن في الحالتين ما انكسر أنف أحد. وصورة ميسي بالذات ما كان فيها ضرب فعلي، بس دفع وتحريك يده بشكل عنيف (وحتى فالنتي لاعب إشبيلية اللي في لقطة ميسي يقول ما في مجال للمقارنة بين اللقطتين).

سلمان، لا تنجرف ورا حرب إعلامية تصير كل سنة بين إعلام الفريقين. نفس الشي صار لما ريال مدريد أخذ الدوري في 2007 و 2008 لكن من جهة الصحف الكتلونية. الأخطاء التحكيمية تصير لكل الجوانب وحتى ريال مدريد استفاد من أكثر من خطأ هالموسم (راسينج وألميريا وميلان). حتى راؤول صرح تصريح متعقل كعادته وقال أن ما في شي اسمه مؤامرة.

في النهاية ما أتمنى نفقدك كمستمع وأتمنى تستمر تقدم لنا وجهات نظر مختلفة دائماً. :)

آخر كاست اسمعه لكم!!
شكراً للي قدمتوه بالفترة الماضية!
و عقبال الحلقة الـ ١٠٠

و احب إني أبارك لسمو الأمير عبدالرحمن بن مساعد وسمو نائبه الأمير نواف بن سعد وشيخ الرياضيين الشيخ عبدالرحمن بن سعيد ولجميع أعضاء شرف النادي والطاقم الفني بقيادة ايريك جيريتس والطاقم الاداري ولجميع الجماهير الهلاليه العاشقه بمناسبه تحقيق درع الدوري والبطوله رقم (49) ,, مع تمنياتي بالتوفيق للزعيـــم في البطولات القادمه بإذن الله خلال هذا الموسم .