الرياضة للفوز 31
تقديم: يوسف النفجان | عبدالله العامري
نستضيف في حلقة هذا الأسبوع الأستاذ غازي الصويغ، الصحفي في صحيفة الشرق الأوسط وهيئة دوري المحترفين SPL والمشرف في موقع كووورة ونائب مراقب المنتديات العربية، ليحدثنا عن بداياته مع الإعلام الرياضي وليناقش أهم قضايا كرة القدم السعودية، وبالأخص قضية مباراة الفتح والشباب في كأس الأمير فيصل بن فهد وقرار اللجنة الفنية الذي أثار الكثير من الجدل. أيضا في هذه الحلقة: نستمر في تغطية كأس الأمم الأفريقية، ونتحدث عن مباريات الكؤوس والدوريات المختلفة في انجلترا وإيطاليا وأسبانيا والسعودية.
التعليقات
ما هو "فري توك ويكلي"؟
FTWeekly هو موقع ناطق باللغة العربية يقدم نقاشات صوتية (بودكاست) متجددة في عدة مجالات مختلفة أسبوعيا، و ذلك في صيغة ملفات صوتية بالإمكان الاشتراك فيها أو تحميلها أو الاستماع المباشر لها من الموقع نفسه. المزيد...
January 19, 2010
اتفق بصراحة مع الأستاذ غازي,كانت هناك مجاملات وتدخلات لصالح الشباب
واعتقد الخطأ الفني كان واضح
والحكم المفروض ما ناخذ رايه في المسألة أصلا واللجنة فاشلة وعارفين الشي هذا من زمان
January 20, 2010
مع احترامي لك يا غازي
المشرفين بموقع كوره يمارسون الارهاب على الاعضاء الشبابيين
بقيادة المشرف ابو طلال النصراوي
January 20, 2010
جاري؟.,.
شكلها حلقة قويه اهنيكم
January 20, 2010
لم أرى أحد أنصف الشباب عندما فاز الفتح بالفضيحة التحكيمية الشهيرة
كان الجميع يبارك للفتح ولم ينص الشباب أحد
اما هذا المدعو عازي فقد أخطأ في حق جمهور الشباب خطأ كبير
ولكن لسطتة في منتدى كورة الجميع يجاملة
وحقوق الجماهير الشبابية في هذا المنتدى لا وجود لها
كل من هب ودب يتطاول على الشباب بمباركة المشرفين
ولكن نقول هذه أمانة والأمانة أمرها عظيم
حبنا الله ونعم الوكيل
January 20, 2010
هدوا اعصابكم..والله ما تسوى العملية..
عني أنا ما أتابع دوري الشيوخ الفاشل..
عموماً ما ادري ليش الفيفا للحين متخلف ويستخدم حكام فقط بداعي روح اللعبة وما ادري ليش..
لازم يستخدمون تقنيات حديثة تساعد الحكام زيهم زي الالعاب الثانية من كرة تنس إلى سباحة إلى غيره..
والله تخلف هذا الفيفا وكله فساد وواسطات أجل بلاتر للحين رئيس من جدكم أنتم؟
January 20, 2010
ياحليلك ياغازي الصويغ ..
أجل رسمياً إعادة المباراة الساعه 1 صباحاً ههههههههههههههههههههههه
وكلها محاولة لإستخدام سلطته في كوورة سعودية لكي تعاد المباراة وضغط على لجان الإتحاد السعودي
أحترامي لك كشخص لكن كمشرف لاتعليق !
January 20, 2010
واضح أنك شبابي ولا ذنب للصويغ وأشكالة ؟!
الله لايوفقك كل ظالم وأولهم الصويغ اللي يوزع رقابات على الشبابيين لأنه دافعوا عن فريقهم !
وكل ظالم له يوم !
January 20, 2010
الصويغ عليك من الله ما تستحق !!
January 20, 2010
شكراَ لـ الأستاذ غازي الصويغ على هذي المقابلة الحلوة. وطبعا الشكر موجه ايضاَ للمقدمين يوسف وعبدالله
الحلقه مسخنه.. خصوصاَ موضوع الفتح والشباب. من وجهة نظر محايد “هلالي” اعتقد كان واضح ان المفروض المباراة تعاد لكن اعتقد الجميع يعرف ان اللجان عندنا تعبانه وما تتخذ قرارات قويه باتجاه كل الانديه بشكل متساوي (من ضمنهم النادي الي اشجعه، الهلال وغيره)
متأكد اذا كان الاتحاد او النصر او الهلال مثلا بدل الفتح في هذيك المباراة كان شفنا سيناريو ثاني مختلف.
ما انقص شي من الشباب.. بالعكس.. هو النادي الثاني بالنسبة لي واتمنى له كل خير لكن الحق يقال.
الدوري اعتقد كذا محسوم للهلال.. يحتاج نقطتين فقط يقدر ياخذها من اربع مباريات قادمة. الهلال هذا الموسم مقدم مستويات جبارة.. لكن في بعض المباريات الإعلام فعلا يقتل الاعبين ويخليهم يلعبون بدون روح (مباراة النصر والرائد). لكن اقدر اقول ان ضعف المنافسيين ساعد الهلال على انه يمشي على مهله. مثلا الشباب كان يقدر يتصدر الدوري في فترة لكن ما قدر بسبب ضعف احتياطه.
جيرتس عمل تغيرات جذريه في النادي. من خطه مختلفه تماماَ على الفريق. تختلف عن باكيتا وكوزمن واغلب المدربين الي مروا على النادي في الفترة الاخيرة. هذا بالإضافة الى التدريبات الصباحية الي فعلا اثرت بالاعبين بشكل واضح. خصوصاَ ما شاء الله ان الهلال هو اقل نادي لاعبيه حصلوا على اصابات. البنيه الجسمانيه والنوم الطبيعي والاكل الصحي يؤكل في وقته.. قومه الصبح تساعده في اشياء كثير.
ههههه لكن عبدالله ما عجبني لمن قال انه ما كان يتمنى يشوف الهلال متصدر.. مو مشكله يا عبدالله.. زعيم اسيا والسعوديه وزعيم قطر جايبلك عقدة P:
بالتوفيق شباب.
January 20, 2010
للأمانة الموضوع واضح .. المفروض المباراة تعاد لكن الفتح ما وراه مسؤولين كبار
اللجان المعتوهة والشبابيين المتعصبين هم الوحيدين اللي ضد الإعادة .. مش لأن في مؤامرة ضد الشباب لكن لأن الحق حق
ويضحكوني الشبابيين لما يتكلموا عن الذهاب اللي فاز فيه الفتح .. المباراة مليانة أخطاء للجانبين والمفروض كماتشو انطرد والتايب كمان .. وفين كلامكم عن مباراة الإياب في الرياض لما انطرد لاعب الفتح بظلم واضح؟؟؟
الفرق كبير بين أخطاء تقديرية وأخطاء فنية عموما .. لكن لو حندخل في الأخطاء التقديرية كمان شوفوا هدفكم الأول كيف كانت لمسة اليد وشوفوا البلنتي كيف انحسب. وطبعا التنفيذ ما يحتاج أتكلم عنه
الشباب يعجبني كنادي عادة .. لكن هذا الموسم لعبه غريب والبلطان مسوي قلق واثارة اعلامية على الفاضي وخلى الكل يكرهه
الفتح مقدم اداء كبير هذا الموسم واتمنى له التوفيق .. حضرت مباراتهم في جدة مع الإتي وقاتلوا واستحقوا التعادل .. وقابلت بعض الفتحاويين وصراحة قمة الاحترام
شكرا على الحلقة الممتعة يا اخوان .. راح اكون متابع لكم .. استمروا وعسى الله يوفقكم
January 20, 2010
ههههههههه خالد أنت فهمتني غلط، أنا قلت حرفيا ليوسف “كنت أتمنى يكون كلامك غلط، كنت أعشم فالفرق الثانية تلحق الهلال”. قصدي عشان ما ينتهي الدوري ببرود بدون منافسة، مب مابي الهلال يفوز بالدوري. كنت أقول نفس الشيء عن إنتر ميلان.
كلام يوسف اللي أقصد كنت أتمنى يكون غلط هو: متصدر الدوري السعودي ما يتعثر أكثر من مباراة مبارتين طول الموسم.
January 20, 2010
هههههههههههههههههههههههههههه
هذا اللي قال المباراة ستعااد خخخخخخخخخخخخخخخخخخخخخخخخ
مسكين يالصويغ والله تنرحم :( .. راح يقفل عضويات الشبابيين ذاك اليووم ويعطيهم رقابات هههههههههههههههههه على باله قوي
سلطتك وشخصيتك بس في المنتدى بوجود المطبلين
لكن برى المنتدى محد يعبرك ولايشوفونك شيء !
بالتوفيق للشباب غصبن عن كل صغيييير
January 20, 2010
عفواً استاذ غازي ..
تحلف أنك ما أعطيت ولا عضو رقابة من الأعضاء اللي غلطوا عليك ومنعت أحد يعطيهم رقابات ..
وأنت بنفسك معطيني رقابه على جميع المنتديات في صلاحيات ما يملكها إلا انت وأبومحسن !؟
وذكرت لي في الخاص أن ردي إساءة بينما ردي تعليق على عضو (منحته) عضوية شرفيّة ويتهم نادي الشباب بأنه مُحابى من الإتحاد السعودي .. وبلغت على الرد ولم تحرك ساكن بل كان الرد كماهو متوقع رقابة على جميع المنتديات ..
ولكن مع ذالك ستبقى كما كنت في القلب وهذة تعتبر نقطه في تاريخ غازي (المثالي) ومحبوب الجميع ظاهراً !؟
والليالي كانت كفيلة بكشف القناع .. عندما وضعت في محك حقيقي !