0  0

0  0

عجبتني الشاشة الشفافة
بصراحة ابداع لو أنها جات بخصائص بسيطة بس فيها حركات أحلى
يعني مثلاُ لو ان الشخص اللي أمام مستخدم اللابتوب مايشوفه يكون أفضل أعتقد
لو أنا مستخدم لها بيكون من الأفضل انو اتحكم في شفافية الشاشة واذا صحكت فراسي قفلت الشفافية D:
بس فنتكة والله

يعطيكم ألف عافية شباب وننتظر الجاي :)

0  0

0  0

أنا برمي ” الهللتين” حقتي – إن صح التعبير لول – في موضوع التلفزيونات.

السبب في التطور المتزايد الي جالسين نلاحظه في التلفزيونات الجديدة يعود بالدرجة الأولى لكون التقنيات المبنية عليها سواء LCD او بلازما هي تقنيات تم الانتقال إليها و هي تعاني أصلا من مشاكل كثيرة و بعيدة كل البعد عن تقديم صورة مثالية. عد و اغلط يارجال من المشاكل, من إعادة إنتاج الألوان الفقيرة و التباين السيء, لزاوية الرؤيا و بطء الإستجابة والمعالجة الضعيفة للفيديو والسكيلنق السيء وانتهاء بمشاكل مثل الBurn in وغيرها.

عمق هذي المشاكل يتطلب وقت لتحسينها أو حلها بشكل نهائي, صعب نرجع لتلفزيونات الCRT لأنها تستهلك مكونات أكثر و مكلفة و تستهلك طاقة أكثر و مضرة بالبيئة و التخلص منها بشكل سليم هذي معضلة بحد ذاتها, هذا غير إن شكلها الكبير صار أثري وما يناسب لا نمط المعيشة الحالي و لا الديكور حتى ههههههههه.

سنويا الشركات بتخطو خطوات كبيرة للأمام و بتحسن كثير من هذي المشاكل, بعضها اختفت تماما وبعضها قل تأثيرها بشكل كبير, في المقابل في مشاكل حتى تختفي أو تتحسن فهي تتطلب استخدام تكنولوجيا جديدة قد تكون مكلفة في البداية, مثلا تلفزيونات الLCD الآن الاتجاه فيها بشكل كامل نحو الإضاءة الخلفية باستخدام اللايت إيمتنق دايود LED بدل لمبات الفلورسنت CCFL, التوجه هذا راح يساهم في تحسين اللون الأسود بشكل كبير لكنه مع الأسف بيطلع مشكلة جديدة و هي إن زاوية الرؤية راح تصير أقل من السابق إلي أصلا ماكانت بالمستوى المطلوب غير مشاكل بطء الاستجابة الي البعض بدأ يتحدث عنها, يعني زبط من هنا وخرب من هناك لول.

لذلك عجلة التطوير راح تستمر بالدوران لفترة مش بسيطة, لا تتوقع إن الأمر حينتهي قريب.

حط في بالك أيضا إن الشركات دائما ما تبحث عن نقاط بيع لمنتجاتها الجديدة حتى تحفز المستهلك إنه يشتري و تستمر هي في تحقيق الأرباح, بعض الشركات تضمن مواصفات وخصائص مش كل الناس فعلا تحتاجها, و هنا يجي ذكاء المستهلك في اختيار المنتج إلي يناسب احتياجته بالضبط بدون مواصفات تكلفه سعر أعلى بدون ما يستفيد منها و ما تخدعه الجمل الدعائية إلي مالها أساس حقيقي.

القول بإنه إذا اشتريت تلفزيون السنة السنة الجاية بتشوفه أثري أحس فيه مبالغة, لكن التطور موجود و ملاحظ و يكبر كل مازادت الفترة, أنا مثلا اشتريت تلفزيون قبل أكثر من 3 سنوات و حاليا بلا شك أشوفه صار قديم في كل شيء مقارنة بالتلفزيونات الجديدة لكنه مازال يقوم بالغرض.

عموما هي دائما التكنولوجيا بهذا الشكل, تحب تتابع و تمتلك آخر التحديثات يبغالك شنطة فلوس مش محفظة فلوس هههههههههه.

0  0

ما أشوف الوضع يصل لدرجة أن التلفزيون اللي تشتريه حاليا يصير فسنة قديم أو ما يصلح بعدها، هذي فقط وجهة نظر المهووسين بأصغر الإضافات و أقلها أهمية، و الخصائص اللي ما بتستفيد منها في المستقبل العاجل بشكل مبرر للقيمة.

تلفزيونات الإتش دي مثلا كنت تقدر تشتريها من بداية الألفية، فل إتش دي 1080p، لكن حتى اليوم ما في استغلال كامل للفل إتش دي من المصادر، يعني حتى لو شاري تلفزيون HD Ready فقط (720p) من سنوات يظل معاصر و كافي لأغلب مواد اليوم، الفروقات فالإصدارات السنوية هي فشدة تباين الألوان و الموشن فلو و الإضافات الثانية اللي أضيفت للتلفزيونات الإتش دي تدريجيا. كلها إضافات بتعطيك نتائجها اللي تدفع فلوسك عليها، لكن مش النقلة النوعية اللي تخلي تلفزيونك القديم “أثري”.

مثلا اليوم لا زلت أشوف أفضل نصيحة شراء تلفزيون إتش دي هي بلازما بحجم +42 بوصة لأنه: أرخص، أفضل لون أسود (الـLCD LED صار يقرب منه)، أوسع مساحة للمشاهدة من زوايا مختلفة بنفس كواليتي الصورة، و خصائص ثانية تخليه الخيار الأكبر قيمة. بس طبعا لو عندك فلوس و مستعد تصرف عشان تلحق آخر التلفزيونات اللي تدعم الـlocal dimming فهذا أيضا خيار، و بيعمر معاك عالأقل 5 سنوات و هو يلبي الستاندردز.

0  0

عندي تساؤل بخصوص التلفزيونات

من الثمانينات مرورا بالتسعينات الى تقريبا منتصف الالفية

يعني قبل ماتنزل شاشات ال LCD …. ماكان فيه تطور بالتلفزيونات بالشكل المخيف والمزعج اللي قاعد يصير اليوم

يعني الان الواحد يشتري جهاز بداية السنة , ماتجي نهاية السنة الا يعتبر الجهاز اثري مقارنة بالاجهزة الجديدة

تساؤلي هو ليش التطور الفجائي هذا؟ , وهل بيستمر؟ وهل ممكن يجي وقت يكون تطور التلفزيونات بطيئ مثل اول ؟

بالنسبة لتلفزيون هاير اللي بدون اسلاك , ماادري بس احس ان الكهرباء اذا كان وايرلس وخاصة اذا كان بكميات كبيرة علشان تشغل التلفزيون , اتوقع ممكن يكون لها تأثير خطير على صحة الانسان

اما بالنسبة لل usb3 …. انا اتفق معكم ان الواحد يصبر وياخذ جهاز يكون فيه usb3

شكرا شباب مرة اخرى وبالتوفيق

0  0

nameless
مشكور. هو المعرض يجيب الصداع الحقيقة من كثرة الاجهزه.. فاحسن شي تنتظر وتشوف المميز الي احنا اخترناه او غيرنا اختاره. احتمال نذكر كم تقنيه او جهاز نسيناها

عبدالله
الله يعافيك تسلم. هو الجهاز الي تحدثنا عنه من صنع كانون نفسها على فكره
شكراَ للتوضيح والتصحيح اخوي. انا الحقيقة توقعت ايضاَ انها تكون للـDSLR الي للمبتدئين ايضاَ. لكن فعلا القطعة بس للاحترافية مره الي اسعارها مره مرتفعة.

بالنسبة للـSD‪’‬s انا مثلا استخدم T1i وهي تدعم SD لكن يبقى كثير عليها 1TB لول. لكن كلامك صحيح الاحترافية مره في الغالب تكون كومباكت فلاش.

ADK606
الله يخليك مشكور. يوسف ان شاء الله بيحط الوصله لانه هو الي تحدث عنه ويعرف نوعيته.

حازم الحربي
عفوا.. واكيد المستمعين جميعهم داعمين وبشكل كبير لنا. الله لا يحرمنا منهم :)

0  0

واشكر المستمعين صراحة اللي يدعمونا بشكل مستمر… فعلا شهادتكم نعتز فيها وتعتبر محفز لنا إننا نقدم افضل مالدينا كل اسبوع.

إن شاء الله فري توك ويكلي يكبر ويحقق أهدافه من خلال دعمكم وتشجيعكم ;)

بارك الله فيكم

0  0

0  0