اعتذر شباب، صوتي في هذي الحلقة منخفض شوي. المشكلة من المايك الي موجود عندي بالرياض. بإذن الله المشكلة ما بتكون موجودة في حلقة الاسبوع الجاي

شكراَ

[رد]

شكراَ لكم شباب جميعاَ لسماع الحلقة والتعليق عليها

Khaled M.B

Fring له ميزات كثيره لكن الحقيقه ما استخدمته. Palringo يقدم خدمات كثيرة ايضاَ مثل انك تشوف وين صاحبك مكانه في Google Maps والـGroups الخ الخ. غير انه سريع جداَ.

والحقيقة في سبب ما يخليني استخدم Fring وهو ان الشركة اسرائيلية (مو بس يهودية) والـHeadquarter.. المقر الرئيسي في تل ابيب. تقدر تتأكد من المعلومة هذي في صفتحهم في Wikipedia

black shadow

بإذن الله في خطط مستقبلية قادمة كبيرة. شي اكيد بناخذ رأيكم فيها في وقتها إن شاء الله.

الفيصل

تسلم اخوي.. وشكراَ لسماع الحلقة

مازن

شكراَ اخوي، هذا من ذوقك.

فعلاَ صوتي منخفض في هذي الحلقة للاسف. لكن هذا الشي ما بيكون موجود في الحلقة القادمة بالتأكيد.

بالنسبة لمايكروسوفت. هي القضية انرفعت على اساس ان مايكروسوفت باستخدام IE تمنع المنافسة لانه هو بيكون المتصفح الاساسي. بحكم ان مايكروسوفت ماسكه تقريباَ 90% في اوروبا واستخدام IE في اوروبا 70‪%‬ والباقي وزعه على المتصفحات الاخرى. فالمقارنة مع الماك و Safari مو منطقية ابدا، لان الهدف من القضية هو “سوء استغلال مكانتهم بالهيمنة” فاذا 90% يستخدم هذا النظام و70‪%‬ يستخدم هذا المتصفح وطريقة مايكروسوفت في تثبيت IE فيه من المصنع وجعله هو المتصفح الاساسي بدون علم المستخدمين عن بقية المتصحفات هذا يعطي مايكروسوفت ميزة مطلقة عن غيرهم.

مثلا تخيل انك رايح السوبر ماركت تشتري شامبو شعر. مافي قدامك الا خيار واحد.. اما الخيارات الثانيه فهي مخبيه في الخلف.. محد يشوفها.. محد يدري عنها.

من هذا المنطلق.. القرار جا على ان لمن تفتح النظام اثناء التثبيت اعتقد بيطلع لك Pop-op يعطيك الخيار بين اكثر من 8 خيارات حسب ما اعتقد.

هذا بالإضافة ان IE هو الاسوء بين الجميع. غير ان الاوروبيين مجبورين يستخدمونه وما يعرفون ان في افضل لكن ما يدرون عنه، فهم قاعدين يستخدمون الاسوء.

طبعاَ لمن اقول اوروبيين اقصد عامة الناس.. مو اشخاص مثلي ومثلك عنده نظره عامه عن التقنيه وجديدها. يعرفون ان بديل. لان في ناس كثار تربط الانترنت بايقونه الـ E فقط

هو للمعلومية.. مايكروسوفت وافقت على هذا القرار الي كان يعتبر حل للطرفين لانها خلاص كانت بتدفع 1.7 بليون يورو كغرامة. يعني هذا مو عقاب من المحكمة ومايكروسوفت خسرت القضية. لكن لول تقريباَ، مثل ما قلنا في الكاست.. الناس بتشوف حرف E وتقول هذا الي نعرفه احسن واحد. لكن يبقى كذا الـ90% من الناس بيكونون توجهوا له بنفسهم وتحت رغبتهم مو مجبرين عليه.

اعتقد عشان كذا كان خيار ظهور الايقونات بشكل عشوائي هو الافضل. اذا الناس شافت الاول بتقول هو الافضل. وطبعاَ هذا الخيار كان بيكون متصفح الـ E لان مايكروسوفت كانت حاطته اول واحد. لكن طبعاَ تغير هذا الشي لاحقا.

وللمعلومية، ترى مو بس القرار كان للمستخدمين، المحكمة كانت تنظر حتى لمطورين الويب، لان هيمنة IE تخلي المطور غصب (بسبب سوء استغلال الهيمنة) يخلي كل برامجه ومواقعه متوافقه معاه. وهذا الشي يسد من المنافسة والابداع حسب قولهم

[رد]

بالعكس عزوز لا اقلقتنا ولا الشي الله يهديك

انا صراحة ما لاحظت شي عن التعريب (نسخة الماك) لكن ابشر بنتكلم عن تعريب موزيلا بشكل عام لان في ثغره واضحه عن هذا الشي

اما GIMP هو تقدر تقول للي يستخدم اساسيات الفوتوشوب وما يبي يدفع فلوس للفوتوشوب يقدر يستخدم GIMP. وبما انه مجاني فاعذرهم على البطئ والنواقص.

اتفق مع سلبياتك.. في بعضها غريبه ويعتبر عيب منهم مثل تصميم البرنامج واختيارهم لفتح النوافذ بهذا الشكل.

شكراَ عزوز واسف مره ثانيه على صوتي الواطي.

[رد]