خالد اشتري Odd World للبسب. :(

أحلى لعبة ممكن تلعبها قبل النوم.

[رد]

هههه حازم.. ما يحتاج تقول
موجوده على PSPGO حقي لها كم يوم..

لعبت فيها شوي.. الحقيقه انا ما لعبتها زمان على PS1 ومو حاس ذاك الداونقريد لانها لعبة 2D وبجرافيكس خاص

لكن في جزئين بالستور.. اي واحد انت تفضل؟

[رد]

ريزي ٣ مست… طير يا قطر. بس تمنيت ينزلون داينو كرايسس ٢، ذيك اللعبة ما أذكر إني كملتها رغم إنه كنت خاق معها! :(

أعتقد داينو كرايسس ٢ هي اللي ابتدت كونسبت الأبقريدنق للأسلحة في ألعاب كابكوم اللي نزلت بعد كذا (سلسلة أونيموشا، سلسلة ديفل ماي كراي، وغيرها)

[رد]

بالضبط حازم الجزء الثاني هو الي بدا.. كان تغير جذري في اللعبه لان الجزء الاول كان تقريباَ ريزيدنت ايفل لكن داينصورات لول

خلي عبدالله يتوكل لول.. كلاسيكيه ريزيدنت ايفل + داينو 1,2 = ايبكنس

[رد]

دارك فويد فيها قتال زعماء شبيه بـ SotC ؟!1!
بالله رابط فيديو لو سمحتوا

[رد]

السلام عليكم ورحمة الله وبركاته… يعطيكم العافيه شباب على البودكاست….

نيو سوبر ماريو مبيعاتها قوية…936,734 رقم مو هين والله فعلتها في فترة نقدر نقول فيها إصدرات قوية على باقي الأجهزة…وما باقي على موسم الأعياد إلا إسبوعين عندها بترتفع المبيعات…

ماكس بين الأفضل إنها تتأجل من ناحية كثرة الألعاب القوية في السنة القادمة ولو يختارون وقت ما فيه ألعاب زحمة لأن شكلها ماهي بالمستوى المطلوب..

أعتقدكوانثم تيوري صارت ملتي… بس اللعبة تعبانة وكم موقع إشتكى من الجرافيكس والتحكم وهبوط الفريم ريت…

[رد]

عافاكم الله شباب..

ايوه كويس كذا انشروها بمواقع الألعاب المتخصصة …
الحلقة الماضية أنا اللي نشرتها بموقع NG4A الاخباري

صراحة اتفاجأت لما سمعت لكم أول مرة (كانت الحلقة ٢٠)
و ماكنتوا مشهورين أو معروفين .. رغم الحلاوة اللي تقدمونها بالكاست ..

فلذلك اقترح تحاولون تنشرون الكاست بمواقع الألعاب .. ولو لفترة مؤقتة لين ينعرف الموقع : )

[رد]

واحد
تفضل اخوي هذا فيديو شفته من فتره.. طبعا اللعبه تماما مختلفه عن SotC من ناحية طريقه القتال مع الوحوش لكن الوحوش الكبيره موجوده في هذي اللعبه

هذا فيديو مثلاَ: http://gamevideos.1up.com/video/id/23524

Khali3l Max
فعلاَ رقم كبير للعبة كبيرة.. هذا غير ان اللعبه بتواصل في القائمه لفتره طويلة. واتفق معك افضل شي لماكس بين هو انها تتأجل + تتحسن.. ومثل ما قلت بالكاست اتمنى يعيدون النظر في بعض النقاط في اللعبة.. ههه وفعلا كوانتم ثيري فاشلة

عبدالله
شكراَ لك اخوي بالاهتمام في نشر البود كاست في المواقع العربية.. حقيقتاَ نشترك على هذا الشي الكبير الي سويته.. انتم الي تعطونا الدافع اننا اسبوعياَ نقدم بودكاست ثابت بشكل جميل وبمستوى ممتاز (نتمنى)
لولا الله ثم انتم ما كان البود كاست بهذا الشكل ابداَ

الحقيقة عدم ظهور الكاست في المواقع والمنتديات المعروفه يعود لاسباب خاصه. فريق FTW باكمله عمل في عدة مواقع معروفة وكبيرة واكثر من بود كاست مختلف. لو ترجع لها بتلاحظ الاسماء نفسها لكن في مكان آخر.

وبإذن الله مع الاستمرار والتخطيط الكاست بينتشر.

شكراَ لكم جميعاَ شباب على الاستماع والاهتمام بالكاست..

[رد]

كان كاست حلو وخفيف وحبيت اعلق على حاجه..

لول خالد ليه كانك مستحقر بايونيتا؟ ومن كلامك انها لعبة ثمانيات مع ان كل اللي لعبوها تقريبا يقولون انها افضل لعبة اكشن بالتاريخ

واصلا موب شي غريب من ملك العاب الاكشن(كاميا)..

هموما انا ماني متعمق بالنقاش وانا مالعبت اللعبه الكامله مع ان الديمو الخورافي كافي بانه يعطيني نظرة سريعه عاللعبه

[رد]

اهلا سليمان..

لول بالعكس.. يمكنك ما سمعت الحلقه الي نزلت بعد ما نزل الديمو الياباني.. انا وعبدالله العامري مدحناها كثير وقلنا اللعبه فعلا غيرت كثير في العاب الاكشن..

لعبه ممتازه جدا جدا… ما كنت استنقص اللعبه ابدا لكن ما توقعت انها تجيب تقيم كامل.. ولو ان فاميتسو صاروا مو بالمستوى اصلا.. لكن بكون متفاجئ اذا اللعبه اخذت 10/10 في المواقع المعروفة والمجلات المعروفة

شكراَ لسماعك للكاست.

[رد]

خالد..

أعرفكم جيداً مايحتاج ..

أذكر أول ماقال لي واحد عن الكاست.. كان يقول انه فيه موقع اسمه فري توك ويكلي يسوون كاستات و كذا.. اخذت منه الموقع!

و أول ماشفت الأسماء اللي تقدم الكاست.. قلت اسمع لهم و حدث بهم بلا حرج .. خذها مني و أنا لسا ما سمعت شي.. : )

واصلوا .. و تستاهلون كل خير؛

[رد]

تسلم اخوي عبدالله على الاطراء

فعلاَ احنا ناقصنا انتشار اوسع للموقع.. وبإذن الله عندنا مخطط كامل بينطبقه قريب. لكن ايضاَ نحتاجكم انتم في نشر الكاست.. ووضعه في موقع NG4A كانت خطوة كبيرة منك. شكراَ مره ثانية.

[رد]

شكرا على الكاست شباب.

24 حلقة حتى الآن ومازال مستوى الكاست ممتاز. أتمنى لكم تستمروا على نفس المستوى الراقي، لما ينتشر الكاست أكثر وأكثر، حطوا في بالكم أن المستوى ما يقل، لأن ملاحظ أن منتديات ومواقع بدون ما أذكر أسماء لما أنتشرت بشكل كبير صارت كلام فاضي. كاست Free Talk Weekly هو الوحيد اللي اسمعه حاليا من فترة ما صار احد الكاستات اللي كنت اتباعهم بمستوى سيء.

لاحظت شباب أن الكاست يكون عبارة عن نقاش مابين المقدمين، فيكون كأنه كلام عادي مابينهم مش كأنه “شيء نسجله حاليا ونحاول نكون بطريقة رسمية”

بس عندي اقتراح ياليت اسماء الالعاب تكتبوها بالانجليزي. مثل: “Zelda” بدل “زيلدا”. لأن أحيانا أشوف اسم لعبة ممكن اروح ابحث عنها فممكن ما اكون عارف السلبنج الانجليزي لها.

[رد]

فامتسو نازل مستواها بالآونه الأخيرة والبيرفكت عندهم صار مو شي اعجازي زي زمان,وكثييير العاب صارت تقرب للبيرفكت..

عموما حتى Edge اعطتها بيرفكت بس المشكله بعد انها زي فاميتسو الآونه الأخير عليها تقييمات ماادري وش تبي..

عموما مستوى اللعبه موب واضح إلا لو نزلت النسخ الأمريكيه والأوروبيه وشفت تقايم المواقع ولعبتها بنفسك.

[رد]

خالد الأول أليم بس مافيه نقاط تخزين واجد. (عيب قاتل للي يموتون واجد واللي ما يعرفون يلعبون)

الثاني جاب كل الأشياء الحلوة في الأول + فيه خاصية Quick save تخليك تسجل في أي نقطة. تقريبا ضعف المدة (كان على ديسكين)، ويتيح لك الفرصة إنك تدخل وتتحكم في جميع مخلوقات اللعبة تقريبا على عكس الأول اللي كان محدود فقط بذوليك المخفات اللي معهم رشاشات لول.

عموما أنصحك تلعب الاثنين… صدقني اللعبة فيها ذكاء في الليفل ديزاين والألغاز صعب تشوفها في ألعاب هاليومين. فعلا من أكثر الألعاب اللي تحس إنه فيه مجهود كبييير انبذل في تصميمها وصقلها.

وللي قاعدين يقرون ردي ومايعرفون وش قاعد اتكلم عنه. أنا قاعد أتكلم عن لعبتي Odd World: Abe’s Odyssey و Odd World: Abe’s Exodus اللي نزلت مؤخرا على الـPSN وسعر اللعبة الوحدة 10 دولار.

[رد]

شكرا للجميع على الإستماع و انشالله دائما تعجبكم الحلقات.

Monsteropolis

شكرا على الثناء، بالنسبة لكتابة الأسماء بالعربية فهي عشان أسباب تقنية، منها الدسكربشن فآيتونز، يتلخبط لو كتبت كلمات إنجليزية.

[رد]

يعطيكم العافية شباب على الحلقة، قاعد أسمعها الحين ومستمتع وايد.

حبيت أعلق على نقطة المحمول؛ بالنسبة لسؤالك عبدالله “هل تلعب بالمحمول وقدامك الكونسول؟”، فالواقع، أحيانا أتكيسل أشغل التلفزيون وأقعد أجابل لعبة كونسول وتلقاني مستعد ألعب شي خفيف (حتى لو ما كان خفيف) و أحس إنه المحمول هو أنسب شي لما تحس إنك طافي ومش مستعد تلعب شي ضخم على الشاشة. لما حوّلت Suikoden للبي اس بي صرت ألعبها أكثر وتقدمي باللعبة صار أسرع من لعبي فيها على البي اس٣. الآر بي جي متعته بالنسبة لي صارت المحمول بالدرجة الأولى، وتقدر تعتبرني من السعيدين بتواجد دراجون كويست٩ على الدي اس. لكني أتفهم عدم تقبل هذي الفكرة، لأني أعرف ناس تكره المحمول بالكامل.

ومع هذا، أتمنى الشركات تبتكر ألعاب مفصّلة للمحمول، مثل Professor Layton و Yosumin (بورت الـXBLA يمشي الحال بس متعة اللعبة الحقيقية لقيتها بنسخة الدي اس).

[رد]

مشكورين علي المجهود الرائع, ومثل ما قال خالد انا العب العاب البورتبل قبل ما انام بنص ساعه

[رد]